|
|
|
||
|
| Forsíða | Starfsmenn | Gestir | Fréttir | Tenglar | Innri vefur |
||||
Ljósmyndasafn Markmið Árnastofnunar er að eignast filmur og ljósmyndir af öllum íslenskum handritum sem varðveitt eru erlendis. Mikið vantar á að því marki hafi verið náð, en allmiklu safni hefur þó verið komið upp á liðnum árum. Á ljósmyndastofu stofnunarinnar er nú unnið að stafrænni myndatöku handritanna og hefur nú þegar verið myndaður í stafrænu form fjöldi handrita í vörslu Árnastofnunar og eru þær myndir nú aðgengilegar á heimasíðu stofnunarinnar undir tenglinum Stafrænt handritasafn og á Sagnaneti, sem stofnunin er í samstarfi við vegna birtingar á handritamyndum á Netinu í stafrænu formi. Þó
að ljósmyndir komi ekki að fullu í stað handrita
eru þær handhægari að vinna með, og við notkun
þeirra er handritunum hlíft við óþarfa sliti.
Ljósmyndastofa er í Árnastofnun, og er hægt að
panta, gegn gjaldi, filmur og ljósmyndir úr handritum stofnunarinnar
vegna rannsókna og til birtingar. Hægt er að fá upplýsingar um filmu-
og myndaeign stofnunarinnar með því að senda tölvupóst á netfangið olofbe@hi.is
Hægt er að panta myndir og filmur vegna rannsókna og til birtingar í ritum, gegn greiðslu. Þær eru afgreiddar stafrænt á geisladiskum. Stofnunin selur birtingarrétt á þeim myndum sem hér eru teknar og farið er fram á að þess sé ævinlega getið hvaðan myndirnar eru komnar. Stofnunin á nokkurt safn örfilma og ljósmynda af íslenskum handritum í erlendum söfnum. Stefnt er að því að fylla í það safn en Danir gáfu til þess fé á ellefu alda afmæli Íslandsbyggðar. Í tengslum við lok handritaskiptanna hétu íslensk stjórnvöld stofnuninni sérstökum fjárveitingum til þess að koma sér upp á næstu árum ljósmyndum af þorra íslenskra handrita sem eftir verða í dönskum söfnum. I Den Arnamagnæanske Samling í Kaupmannahöfn eru til örfilmur og ljósmyndir af öllum þeim handritum sem þaðan komu og hingað heim. Sími: 525 4021
|